«Որևէ մեկի ուրվականն ինձ չի անհանգստացնում». Սերժ Սարգսյան

ՀՀ նախկին վարչապետ Անդրանիկ Մարգարյանի մահվան տարելիցի կապակցությամբ Երրորդ նախագահ Սերժ Սարգսյանը ՀՀԿ անդամների ուղեկցությամբ այսօր այցելել է Կոմիտասի անվան պանթեոն: Դիմելով Սերժ Սարգսյանին՝ լրագրողներից մեկը հարցրել է. «Անդրանիկ Մարգարյանի երազած հայրենիքին ե՞րբ ականատես կլինենք»: «Դժվար է ասել, բարդ հարցեր մի տվեք»,- ասել է Սարգսյանը: «Մարդիկ ինչո՞ւ են ձեր ստվերի հետ դեռ կռվում» հարցին էլ այսպես է արձագանքել. «Էդ մարդիկ պետք է պատասխանեն: Համենայնդեպս, որևէ մեկի ուրվականն ինձ չի անհանգստացնում, իմը ստվեր է, իրենցը՝ ուրվական»: