«Նոր Հայաստանում քաղաքացիներն են ոստիկաններին հորդորում ապօրինություն չգործել»․ Վարդուհի Սարգսյան

Փաստաբան Վարդուհի Սարգսյանի ֆեյսբուքյան գրառումը․ «Նոր Հայաստանում այլևս ոչ թե Ոստիկանությունն է հասարակական կարգը պահելու կոչով դիմում քաղաքացիներին, այլ քաղաքացիներն են ոստիկաններին հորդորում մարդկանց նկատմամբ ապօրինություն չգործել։ Մեքենաներից մարդիկ իջել և ասում են. «Այս ի՞նչ եք անում, ինչի՞ համար եք անում»:
Հենց նման երևույթներն են պատճառը, որ հասարակության մեջ բացասական վերաբերմունք է ձևավորված իրավապահ մարմինների՝ հատկապես ոստիկանության նկատմամբ:
Չարեփոխված Ոստիկանությունը պատրաստ է խցանման մեջ կանգնած մարդկանց ապօրինի առևանգել մեքենաներից՝ ռեժիմի պարագլխի ավտոշարասյան անարգել անցման համար:
Մի՛ պախարակեք այդ ինստիտուտը, ձեր չգոյ տեսակով, այն մեր պետականության ամենակարևոր ինստիտուտներից մեկն է»։