«Ինչքան սրիկա, էդքան շատ ձայն կստանա»․ Սուրեն Սահակյան

Հասարակական-քաղաքական գործիչ Սուրեն Սահակյանի ֆեյսբուքյան գրառումը․ «Թրամփն ամբողջ աշխարհին ու առաջին հերթին՝ ամերիկացիներին, «համոզեց», որ խաղաղասեր ա։ Իր երդմնակալությունից հետո անցել ա 2 ամիս։ Էդ 2 ամսվա չոր մնացորդն ա․
1. Իսրայելին սկսեց նենց հրթիռներ մատակարարել, որ Բայդենի օրոք չէին տալիս՝ խաղաղ բնակչությանը մեծ վնաս չհասցնելու համար։ Դադարեց գործել Բայդենի օրոք կնքված զինադադարը և պաղեստինա-իսրայելական կոնֆլիկտը նոր ուժով վերսկսեց։
2. Իսրայելը խախտեց նաև լիբանանա-իսրայելական հրադադարի համաձայնագիրը ու սկսեց ռմբակոծել Բեյրութը։
3. Ներկայումս Իսրայելը ռմբահարում ա Սիրիան, մտել ա Սիրիայի տարածք։
4. 24 ժամում խոստացել էր կանգնեցնել ռուս-ուկրաինական կոնֆլիկտը։ Պատերազմի մասնակից հյուծված երկրները իրականում ուզում էին դադարի պատերազմը և, ըստ հայտարարությունների, պատրաստ էին նաև այնպիսի զիջումների, որոնց մասին նախկինում խոսք լինել չէր կարող։ Երկու ամսում իր անհավասարակշիռ վարքով ու ՌԴ նկատմամբ անհասկանալի քիմիայով մենակ հեռացրել ա պատերազմի ավարտը։ Ոնց տեսնում ենք, պատերազմի արհավիրքները մենակ մեծանում ու խորանում են։
4. ԱՄՆ սկսեց հարվածել Յեմենի հութիներին՝ նոր թեժ օջախ ստեղծելով աշխարհի քարտեզի վրա։
5. ԱՄՆ սպառնում ա հարվածել Իրանին։
6. Ռազմական ինտերվենցիայով սպառնաց Պանամային ու ստացավ ուզածը։
7. Սպառնում էր ներխուժել Դանիայի տարածք ու միայն Գրենլանդիայում ֆրանսիական զորքեր տեղակայելու Մակրոնի հայտարարությունից հետո էդ թեման սառեց։
Ու սա դեռ 4 տարուց ընդամենը 2 ամիսն ա անցել։ Ու սա դեռ «խաղաղարար» Թրամփն ա, որ նաև Խաղաղության Նոբելյան մրցանակի ա ձգտում։ Բա որ մի քիչ էլ ռազմատենչ լինի։
Բայց էս սաղ հեչ։ Լոսի հայերը համոզված են, որ Թրամփը խոսքի տերն ա՝ մինչև հիմա ինչ ասել ա, արել ա։ Այ սենց էլ մեր երկրի ղեկավարներ «ենք» ընտրում։ Սկզբունքն էն ա՝ ինչքան սրիկա, էդքան շատ ձայն կստանան։ Կարևորը՝ ականջահաճո բաներ ասեն։ Մեկ ա՝ մերոնք պատճառահետևանքային կապեր բացահայտելու գործում չկան»։