Ալիևը մեկնել է Թուրքիա

Անթալիայի 4-րդ դիվանագիտական ​​ֆորումին մասնակցելու նպատակով աշխատանքային այցով Թուրքիա է ժամանել Ադրբեջանի նախագահ Իլհամ Ալիևը։ Այս մասին հայտնում են ադրբեջանական լրատվամիջոցները։

Հիշեցնենք, որ Անթալիայում անցկացվող դիվանագիտական ​​ֆորումի մասնակիցների ցուցակում ընդգրկված են ՀՀ արտգործնախարար Արարատ Միրզոյանը և հայ-թուրքական հարաբերությունների կարգավորման հարցերով ՀՀ հատուկ բանագնաց Ռուբեն Ռուբինյանը։

Համաժողովը կանցկացվի ապրիլի 11-13-ը՝ «Դիվանագիտության վերականգնումը տրոհված աշխարհում» կարգախոսով։ Ակնկալվում է, որ միջոցառմանը կմասնակցեն 148 երկրների շուրջ 4800 ներկայացուցիչներ, այդ թվում 18-ը՝ պետությունների ղեկավարների մակարդակով։