ՀԱՄԱՍ-ի պատվիրակությունը մեկնել է Եգիպտոս՝ բանակցություններ վարելու

Պաղեստինյան ՀԱՄԱՍ շարժման պատվիրակությունը մեկնել է Եգիպտոսի մայրաքաղաք Կահիրե՝ բանակցություններ վարելու։ Այս մասին հայտնում է շարժումը:
«ՀԱՄԱՍ-ի բանակցային պատվիրակությունը՝ Խալիլ ալ Հայյայի գլխավորությամբ, մեկնել է Կահիրե՝ Եգիպտոսի Արաբական Հանրապետության եղբայրների հրավերով․ այսօր Քաթարի և Եգիպտոսի միջնորդների հետ հանդիպում և քննարկում կանցկացվի՝ մեր ժողովրդի դեմ սիոնիստական ​​(իսրայելական) ագրեսիային վերջ դնելու հարցի վերաբերյալ»,- ասվում է հաղորդագրության մեջ:

Շարժումը հավելել է, որ ողջունում է ցանկացած առաջարկ, որը երաշխավորում է մշտական ​​զինադադար, իսրայելական զորքերի ամբողջական դուրսբերում Գազայի հատվածից և պատանդների փոխանակման մասին համաձայնություն։