«Սլովակիայի ՊՆ նախարարն ընդամենը արձանագրել է Նիկոլ Փաշինյանի գործողությունների արդյունքը»․ Վահե Սարգսյան

Պատմաբան, խմբագիր Վահե Սարգսյանի ֆեյսբուքյան գրառումը․ «2022թ. հոկտեմբերին Պրագայում Արցախը ճանաչելով Ադրբեջանի մաս՝ Նիկոլ Փաշինյանը դրանով իսկ ոչ միայն անվանել, այլև հռչակել է Հայաստանը որպես օկուպանտ երկիր:
Սլովակիայի պաշտպանության նախարարն ընդամենը արձանագրել է Նիկոլ Փաշինյանի գործողությունների արդյունքները»:
Նշենք, որ Սլովակիայի պաշտպանության նախարար Ռոբերտ Կալինյակը այս տարվա փետրվար և մարտ ամիսներին տված հարցազրույցներում երկու անգամ հայտարարել է, թե իբր Հայաստանը օկուպացրել էր Ադրբեջանի տարածքը: Սրան ի պատասխան՝ Նիկոլ Փաշինյանի կառավարությունը որևէ քայլ չի ձեռնարկել, որևէ պարզաբանում, բացատրություն չի ուզել, բողոքի հայտագիր Սլովակիային չի ներկայացրել: Այս մասին գրել է «Հետքը»։