Կիրակի, 29 մարտի, 2026 թ.
|
Ստեփանակերտում`   +9 °C

Լավրովը հեռախոսազրույց է ունեցել Ռուբիոյի հետ

Լավրովը հեռախոսազրույց է ունեցել Ռուբիոյի հետ
787
Ուրբաթ, 18 ապրիլի, 2025 թ., 11:57

ՌԴ ԱԳ նախարար Սերգեյ Լավրովը հեռախոսազրույց է ունեցել իր ամերիկացի պաշտոնակից Մարկո Ռուբիոյի հետ, հայտնում է ՌԴ ԱԳՆ-ն իր կայքում։

Հաղորդվում է, որ ԱՄՆ պետքարտուղարը Լավրովին պատմել է Փարիզում ուկրաինական կողմի և Կիևին աջակցող եվրոպացի դաշնակիցների հետ իր և ԱՄՆ հատուկ բանագնաց Սթիվ Ուիթքոֆի բանակցությունների արդյունքների մասին։

«Լավրովը հաստատել է Մոսկվայի պատրաստակամությունը՝ շարունակելու աշխատանքը ամերիկացի գործընկերների հետ՝ նպատակ ունենալով հուսալիորեն վերացնել ուկրաինական ճգնաժամի հիմնական պատճառները»,- նշված է ՌԴ ԱԳՆ հաղորդագրության մեջ։

Բացի այդ, Լավրովն ու Ռուբիոն պայմանավորվել են շարունակել օպերատիվ շփումները, այդ թվում՝ Արևմուտքի և Ուկրաինայի ներկայացուցիչների միջև հետագա բանակցությունների համատեքստում։