«Քրեական ենթամշակույթը տղաներին թուլացնելու, ինքնությունից զրկելու մեթոդ է»․ Նիկոլ Փաշինյան

Կառավարության նիստում քննարկվեց «ՀՀ գենդերային քաղաքականության իրականացման 2025-2028 թվականների ռազմավարությունը և միջոցառումների ծրագիրը հաստատելու մասին» հարցը։ Նիկոլ Փաշինյանի դիտարկմամբ աղջիկները նկատելիորեն ակտիվ են հատկապես կրթության ոլորտում, իսկ ՏՏ ոլորտում, կանանց ներգրավման տեսանկյունից, Հայաստանն առաջատար երկրներից է։ «Սա խոսում է նաև մեր երկրում առկա մի շարք խնդիրների մասին։ Դրանցից է քրեական ենթամշակույթի ազդեցությամբ տղաների աշխարհընկալման փոփոխությունը։ Մոլորություն կա, թե քրեական ենթամշակույթն ուժեղացնում է տղաներին։ Սակայն ուղիղ հակառակն է․ քրեական ենթամշակույթը տղաներին բոլոր առումներով թուլացնելու, ինքնությունից զրկելու, մտածողության սեփական ձևեր ունենալուց զրկելու մեթոդ է»,- նշեց Փաշինյանը։