«Թշնամիների դրոշներն այրելը ուժեղ սթրես է առաջացրել վարչապետ կոչեցյալի մոտ»․ Մհեր Մելքոնյան

«Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Հայաստանում իշխանությունը զավթած ապազգային խմբակի ղեկավարն ավելի շատ է ատում մեր պետությունը, քան Ադրբեջանի և Թուրքիայի նախագահները։ Այն, ինչ նա անում է, էժանագին ավանտյուրա է և աշխարհաքաղաքական ինքնասպանություն, քանի որ Հայաստանի Հանրապետությունը տանում է միտումնավոր և վերջնական կործանման։
Հայոց Ցեղասպանության 110-րդ տարելիցին ընդառաջ այս տարի ևս տեղի ունեցավ արդեն ավանդական դարձած ջահերով երթը։ Ինչպես ամեն տարի, այս տարի նույնպես երթի մեկնարկից առաջ պահանջատեր երիտասարդները Հանրապետության Հրապարակում այրեցին մեր թշնամի պետությունների դրոշները, որը շատ ուժեղ հոգեբանական սթրես է առաջացրել վարչապետ կոչեցյալի մոտ։ Այս ամենը զարմանալի չէ, որովհետև ունենք երկրի ղեկավար, որի համար ի սկզբանե սեփական և թուրք-ադրբեջական տանդեմի օրակարգի սպասարկումը եղել է առաջնային։
Այսօր էլ Թուքիայի օրակարգում ոչինչ չի փոխվել, և Ցեղասպանություն իրականացրած պետության շահերին ծառայելով՝ խաղաղություն չեն մուրում։
Զա՛րկ, երբ հալածում են քեզ»։