«Հարևանների հետ նորմալ հարաբերությունների համար պետք է լինել ինքնիշխան, ոչ թե ստրուկ»․ Նաիրա Կարապետյան

ԱԺ նախկին պատգամավոր Նաիրա Կարապետյանի ֆեյսբուքյան գրառումը․ «Իմ կյանքում երբևէ չեմ զգացել Ցեղասպանության կրկնման վտանգ: Տեղի ունեցածին միշտ վերաբերել եմ մեծ
ցավով, ցասումով, պահանջատիրությամբ, բայց երբեք՝ կրկնվելու զգացումով և վախով:
Մի կոտրե՛ք իմ մեջ լուրջ խարխլված «Այլևս երբեք» պնդումը, ես տեսել եմ հարազատ օջախը լքած, թուրքի մահակից փախած և մի կերպ փրկված հայեր Քեսաբից Լաթաքիա եկած, եկեղեցու բակում ապաստան գտած, ես տեսել եմ նենգ թուրքի կազմակերպած մեր Արցախի հայաթափումն ու արցախցիների բռնագաղթը, ես չեմ ուզում տեսնել նույնը կրկին ու կրկին:
Հիմա ձեր՝ թուրքերին հլու հպատակվելու, թուրքերի հետ ընկերանալու «խաղաղության» օրակարգի ժամանակը չէ, մենք պետք է ուժեղանանք, պետք է մեր հեղինակությունը վերադարձնենք, նորից ուժեղ պետություն պետք դառնանք:
Խաղաղություն, անվտանգություն, արժանապատիվ կյանք, հարևանների հետ նորմալ հարաբերություններ ունենալու համար պետք է լինել ինքնիշխան և ուժեղ, և ոչ թե ստրուկ…
Այլևս երբեք…»։