Պետությունը մթերում ապահովեց և 3.7 մլն դրամն «անհետացավ» կոնյակի գործարքից. բացահայտում․ «Ժողովուրդ»
![]() 528 Չորեքշաբթի, 30 ապրիլի, 2025 թ., 09:18 «Ժողովուրդ» օրաթերթը գրում է. «Խաղող մթերողների բունտը կանխելու, փողոցները փակելու աղմուկից խուսափելու համար ՀՀ Կառավարությունը կոնյակի սպիրտ է գնել կոնկրետ գործարանից՝ պարտադրելով նրան քաղաքացիներից խաղող մթերել: Բայց երբ գնված կոնյակի սպիրտը Կառավարությունը վաճառել է, 3.7 մլն դրամ տուժել է: Էկոնոմիկայի նախարարության կողմից մեզ տրված պատասխանում նշված է, որ «2023 թվականի սեպտեմբեր և նոյեմբեր ամիսներին «ՄԱՊ» ՓԲԸ-ից ձեռք է բերվել 1 մլրդ 442 մլն 807 հազար դրամ արժողությամբ 692 հազար լիտր 100% սպիրտի հաշվարկով հայկական կոնյակի սպիրտ, իսկ «ՄԱՊ» ՓԲԸ-ն ցանկում ներառված խաղողագործներից մթերել է շուրջ 7620 տոննա խաղող»: Գործադիրի որոշմամբ Կառավարության անունից, հանդես է եկել ադամանդագործությունը խթանելու համար ստեղծված «Հայ-Ալմաստ» ՓԲԸ՝ գնելով և հետագայում նաև վաճառելով կոնյակի սպիրտ: Գործարքը, որն իր տրամաբանությամբ պիտի սոցիալ-տնտեսական կայունություն բերեր 2 մարզերում, վերածվեց տնտեսական անարդյունավետության դասական օրինակներից մեկի։ Կառավարության գնած սպիրտը հետագայում վերավաճառվել է, որի արդյունքում պետությունը ոչ միայն շահույթ չի ստացել, այլև գրանցել է ֆինանսական կորուստ։ Իսկ ինչպես է եղել վաճառքը: ՀՀ Էկոնոմիկայի նախարարության՝ «Ժողովուրդ» օրաթերթին տրված պատասխանում կարդում ենք, որ «օտարումը տեղի է ունեցել 4 խմբաքանակով՝ «Բագրատ գրուպ»-ին և ՄԱՊ-ին: Կոնյակի սպիրտի 200 հազար լիտրը օտարվել է 1980 դրամով, իսկ 492 հազար 990 լիտրը՝ 2095 դրամով»: «Հայ-Ալմաստ ՓԲԸ-ի և գնորդ կազմակերպությունների միջև կնքված օտարման պայմանագրերով սահմանված ժամանակացույցով օտարված կոնյակի սպիրտների արժեքները փոխանցվում են «Հայ-Ալմաստ» ՓԲԸ-ին, իսկ վերջինս, բյուջետային վարկի մարման ժամանակացույցի համաձայն, պետք է իրականացնի բյուջետային վարկի մարումը»: Նախարարությունն այդպես էլ չի պարզաբանել, թե որքան գումար, երբ է մուտք եղել պետբյուջե: |
«ԱՄՆ-ն չեղարկել է ՌԴ-ի դեմ պատժամիջոցների մի մասը»․ Սիյարտո
11914:44«ՀԷՑ-ի պետականացման արդյունքում տնտեսությունն առերեսվելու է լրջագույն ռիսկերի»․ Վահե Դավթյան
236Երեկ, 15:48«Երեկ ՌԴ տարածք է մտել ՀՀ-ից արտահանված ծիրանով բեռնված 94 բեռնատար»․ Գևորգ Պապոյան
181Երեկ, 10:42«Ինչո՞ւ է ՀՀ-ն այս դիրքն ընդունել, երևի ամեն ինչի չէ, որ հարթ է մեզ մոտ». Լուկաշենկո
91726.06.2025, 20:34«Հիպերմոլը բացման արարողության ժամանակ հոսանքազրկվեց»․ Նիկոլ Փաշինյան (տեսանյութ)
62126.06.2025, 12:06«Մարդիկ այսօր պարզապես թափում են ծիրանի բերքը»․ Բորիս Մուրազի
44126.06.2025, 07:18«Գործընթացը ՀԷՑ-ով չի սահմանափակվելու»․ Վահե Դավթյան
38226.06.2025, 06:06«ՀԷՑ-ը խլելու գործընթացը հղի է նեգատիվ հետևանքներով». Էդմոն Մարուքյան
37524.06.2025, 16:48