«Եթե արցախցիները հույս դնեն խաղաղության պայամանագրի վրա, կմնան առանց իրավական պաշտպանության»․ Արա Ղազարյան

«Միջազգային դատարաններից ՀՀ-ի հայցերի հետ կանչումը լրջորեն ազդելու է Արցախից բռնի տեղահանվածների իրավական պաշտպանության վրա»,- լրագրողների հետ զրույցում ասել է միջազգային իրավունքի մասնագետ, փաստաբան Արա Ղազարյանը։ Նա նշել է, որ մասնավոր խմբերի նպատակը պետք է լինի որքան հնարավոր է շատ անհատական գանգատներ ուղարկել Եվրոպական դատարան, որովհետև, իր կարծիքով, դժվար թե խաղաղության պայմանագրում իրավական պաշտպանության արդյունավետ սկզբունքներ սահմանված լինեն։ «Իմ կարծիքով Արցախից բռնի տեղահանվածները կմնան առանց իրավական պաշտպանության, եթե հույս դնեն միայն խաղաղության պայմանագրի վրա»,- ասել է փաստաբանը։