«Ռուսաստանի հետ նույն դաշինքում մնալը ոչ միայն տգիտություն է, այլև սպառնալիք»․ Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Հայաստանի և հայության համար աղետալի պատերազմներից հետո, մեր երկրի վճարած գինը ոչ մի արդարացում չունի։ Սակայն Ռուսաստանի հետ նույն դաշինքում մնալը՝ լինի կամավոր, թե վախեցած, ոչ միայն տգիտություն է, այլև սպառնալիք։
Հայաստանի առաջիկա խնդիրը պետք է լինի Եվրամիությանը անդամակցության գործընթացի մեկնարկի մասին օրենքից բխող ճանապարհային քարտեզի մշակումը, 2024թ. ապրիլի 5-ին ԱՄՆ-ԵՄ-Հայաստան գագաթնաժողովում ձեռք բերված պայմանավորվածությունների և 2025թ. հունվարի 14-ին ստորագրված Հայաստան-ԱՄՆ ռազմավարական գործընկերության խարտիայից բխող գործողությունների պլանավորումը։ Հայաստանի գոյաբանական նպատակ պետք է հռչակել եվրատլանտյան ռազմական և տնտեսական ինտեգրումը»: