«Հայաստանի նվաստացումը Նիկոլ Փաշինյանի հետ էլ կգնա»․ Լևոն Զուրաբյան

«Վստահ եմ՝ հաղթանակներն այդքան հեշտ չեն ոչնչացվում։ Այն, ինչ Փաշինյանն ու իր թիմը արեցին, դա չի նշանակում, որ հայ ազգի վերջը տվեցին»,- լրագրողների հետ զրույցում ասաց ՀԱԿ փոխնախագահ Լևոն Զուրաբյանը՝ պատասխանելով հարցին, թե ինչո՞ւ իշխանություններն այլևս չեն խոսում Արցախյան հաղթանակների մասին։

«Այդ հաղթանակն առաջին հերթին ապացույցն է նրա, որ եթե ժողովուրդը ոտքի է կանգնում ու առաջնորդվում է և՛ արդար, և՛ լավ հաշվարկված գաղափարախոսությամբ, նա հասնում է հաղթանակի։ Այդ առումով այդ հաղթանակը մեզնից ոչ ոք չի կարող խլել, անգամ Նիկոլ Փաշինյանի թիմը, որը դարձել է Հայաստանի նվաստացման խորհրդանիշը»,- ասաց Զուրաբյանը՝ հավելելով, որ Հայաստանի նվաստացումը հենց Նիկոլ Փաշինյանի հետ էլ կգնա։