«Փաշինյանը ոչ մեկ է. նախագահները նրա հետ չեն բանավիճի»․ Սուրեն Սուրենյանց

«Իմպիչմենթը քաղաքական կոնկրետ գործընթաց է, որը հաջողություն կարող է ունենալ միայն ակտիվ փողոցի պարագայում։ Ես դեմ չեմ իմպիչմենթի գաղափարին, սակայն այս պահին նախադրյալներ չեմ տեսնում, որ հնարավոր է շատ ակտիվ փողոց հավաքել և տևական ժամանակ պահել»,- յութուբյան իր ալիքի եթերում ասաց քաղաքագետ Սուրեն Սուրենյանցը։
«Այս պահին ընթացող զարգացումներն ավելի հավանական են դարձնում այն, ինչը նշեց Փաշինյանը, լինելու է հերթական ընտրություններ»,- ասաց Սուրենյանը՝ անդրադառնալով նրան, որ նախկին նախագահներից որևէ մեկը Փաշինյանի հետ բանավեճի չի գնալու:

«Բայց Փաշինյանին անընդհատ պետք է այս թեման գեներացնել՝ ցույց տալու համար, որ ինքը հզոր տղա է, իրենից վախենում են, չեն գալու բանավիճելու, բայց նա վստահ է, որ այդ բանավեճի հրավերը չի էլ ընդունվելու, քանի որ ինքը ոչ մեկ է, որպեսզի նախագահները իջնեն իրենց բարձրությունից և գան իր հետ բանավիճելու»,- ասաց Սուրենյանը։