«Սեյրան Օհանյանի աչքերի մեջ կտեսնեք առանձնատունը, Աննա Գրիգորյանի աչքերի մեջ՝ ՀԷԿ-երը»․ Արթուր Հովհաննիսյան

«Մեզ ասում են, որ թալանում ենք, որ դարձել ենք ամենահարուստները։ Ասում են՝ շատ լավ իմանալով, որ դա բացարձակ սուտ է»,- ԱԺ-ում ելույթի ժամանակ, անդրադառնալով ընդդիմադիրների մեղադրանքներին, ասաց ՔՊ-ական Արթուր Հավհաննիսյանը։ «Օրինակ Արծվիկ Մինասյանի մեքենան իմ մեքենայից ավելի թանկ է։ Նման տեքստեր ասելուց առաջ նայեք Սեյրան Օհանյանի աչքերի մեջ ու կտեսնեք մի քանի հարկանի առանձնատուն։ Նայեք Աննա Գրիգորյանի աչքերի մեջ, կտեսնեք ՀԷԿ-երը։ Կնայեք Աղվան Վարդանյանի աչքերի մեջ և կարող եք տեսնել, թե ինչպես են, օրինակ, Դավթաշենից մի կտոր պոկում դարձնում Զովունի, որ վրան հարմար տուն սարքեն։ Նայեք Լևոն Քոչարյանի աչքերի մեջ ու կտեսնեք միլիոնավոր դոլարներ, որոնք հարյուրավոր մարդկանց կյանքի փող պետք է լինեին։ Եվ վերջապես կնայեք Ռոբերտ Քոչարյանի աչքերի մեջ, կտեսնեք հոկտեմբերի 27-ը, մարտի 1-ը, Պողոս Պողոսյանին։ Իրար աչքերի մեջ նայեք ու կտեսնեք ԼՂ-ի հանձնումը, ԼՂ-ի ժողովրդի տեղահանման մեղքը»,- ասաց Հովհաննիսյանը։