«Ժողովուրդը Ռոբերտ Քոչարյանի մասին ասում է՝ հայրը թուրք է»․ Հակոբ Արշակյան

ԱԺ նիստի ժամանակ «Հայաստան» խմբակցության պատգամավոր Լևոն Քոչարյանն իր ելույթում անդրադարձավ Նիկոլ Փաշինյանի՝ ԱԺ-ում հնչեցրած սպառնալիքներին ու նրա «հիստերիկ» պահվածքին․ «Ընդդիմադիր գործընկերներին նայելով՝ Փաշինյանն ասում է «համբալներ». հաջորդ օրն ինքը գնաց Մոսկվա, տեսե՞լ եք այդ տեսանյութերը. հիմա ո՞վ է համբալ, կամ Ալեն Սիմոնյանը, ով կին պատգամավորին ասում է՝ դուրս կշպրտեմ դահլիճից, Ալեն Սիմոնյանը թող իմանա՝ երբ որ իրեն դուրս շպրտեմ այնտեղից, շատ ցավոտ է լինելու»։ Քոչարյանի այս խոսքերից անմիջապես հետո ելույթ ունեցավ Աժ փոխխոսնակ Հակոբ Արշակյանը՝ վիրավորելով Լևոն Քոչարյանին և 2-րդ նախագահին․ «Ժողովուրդը Ռոբերտ Քոչարյանի մասին ասում է՝ հայրը թուրք է, անուն էլ են ասում, բայց մենք երբևէ այստեղից նման բան չենք ասել, ասում են՝ անհայրենիք դավաճան են, Արցախը լքել են, պատերազմական իրավիճակում Արցախը թողել են ընտանիքով, գնացել են»,- ասաց Արշակյանը։ Նրա ելույթից հետո ծեծկռտուք սկսվեց դահլիճում։