«Էսօր առնվազն Ալեն Սիմոնյանի կա՛մ էգնահողը պետք է լիներ, կա՛մ յոթը»․ Բագրատ Միկոյան

«Գիտեք՝ Ալեն Սիմոնյանը Ռոբերտ Քոչարյանին մարդասպան է անվանում»,- այս մասին «5-րդ ալիքի» հետ հարցազրույցում նշել է ՀՀ երկրորդ նախագահի գրասենյակի ղեկավար Բագրատ Միկոյանը՝ անդրադառնալով օրեր առաջ լրագրողների հետ զրույցում ԱԺ նախագահ Ալեն Սիմոնյանի հայտարարությանը։

«7 օր անցել է, չէ՞, այդպես անվանելուց, էսօր առնվազն Ալեն Սիմոնյանի կա՛մ էգնահողը պետք է լիներ, կա՛մ յոթը, իրենք էլ հարազատներով նստած, իր էդ ակվարիումի նկարը մեծացրած, ու իրենց հարևաններից երևի Ռուբիկ ձյաձյան էլ պիտի ասեր՝ դե առաջին բաժակը չխկացնենք, հետո կարանք չչխկացնենք էլի»,- նշել է Միկոյանը։

«Ալեն Սիմոնյանը «մարդասպան», «թալանչի» բառերն է ասել, այդ բառերի կոմպլեկտը վերաբերելի է Ալեն Սիմոնյանին, իրենց ղեկավարած խմբակին։ Մարդասպան եզրույթն օգտագործում են այն մարդիկ, որոնց մեղքով սպանված մարդկանց գերեզաններ կան Հայաստանի ցանկացած բնակավայրում՝ տասնյակ և հարյուրավոր։ Առնվազն հոկտեմբերի 18-ից հետո յուրաքանչյուր զոհ եղել է իրենց ցանկությամբ, որովհետև իրենց պարագլուխը հայտարարեց, որ կարող էր լինել նույնը, բայց զոհեր չլինեին․․Մարդասպանությունից խոսում է մի խմբակի անդամ, որը հղի կնոջը վրաերթի է ենթարկում ու անօգնական թողնում»,- ընդգծել է Միկոյանը։