«Ի սկզբանե երկու նախագահները տարբեր են եղել՝ մոտեցումներով, կառավարման տիպով»․ Բագրատ Միկոյան

Տևական ժամանակ է ՀՀ երկրորդ նախագահի և երրորդ նախագահի թիմերի «հակամարտությունը» ներքաղաքական օրակարգում է։ Երկու կողմն էլ նշում են, որ փոխադարձ մեղադրանքները մեկնարկել են 2008 թվականից։ 5-րդ ալիքի հետ հարցազրույցում անդրադառնալով այս դիտարկմանը և հարցին, թե ի վերջո ի՞նչ չեն կարողանում «կիսել» երկրորդ և երրորդ նախագահները, ՀՀ երկրորդ նախագահի գրասենյակի ղեկավար Բագրատ Միկոյանը պարզաբանեց․ «Կիսելու բան չկա, ի սկզբանե երկու նախագահները տարբեր են եղել՝ իրենց մոտեցումներով, կառավարման տիպով, գրեթե ամեն ինչով»։

«Մյուս կողմից ասում են՝ նախագահ Քոչարյանի կողմից է դա սկսվել 2008 թվականին․ դա առնվազն ծիծաղելի է․․․ Տարանջատումը վաղուց կա, 2008 թվականից ականառու է նրանց համար, ովքեր հետևել են քաղաքական պրոցեսներին․ դա պարզապես պետք է ընդունել ի գիտություն և շարժվել առաջ»։