«Լռելն այսօր հարգանք չէ․ հայրենիքը գործ է պահանջում»․ Հակոբ Հակոբյան

Արցախի «Արդարություն» կուսակցության համանախագահ Հակոբ Հակոբյանը գրում է. «Ավելի քան մեկ դար առաջ, մի բուռ ժողովուրդ, սրի ու հույսի ուժով, կերտեց անկախ Հայաստանի Հանրապետությունը։ Սարդարապատում հաղթեցինք ոչ միայն թշնամուն, այլ նաև վախին ու հուսահատությանը։ Ցույց տվեցինք՝ Հայը կարող է։ Այսօր էլ վտանգված է մեր սահմանը, Արցախի ճակատագիրն՝ անհայտ։ Բայց ունենք մեր անցյալը, մեր հիշողությունը, մեր հերոսները՝ ովքեր Սարդարապատում, Շուշիում ու վերջին պատերազմներում իրենց արյամբ պահեցին այս հողը։ Գլուխ ենք խոնարհում նրանց հիշատակի առաջ։ Սակայն լռելն այսօր հարգանք չէ։ Հայրենիքը գործ է պահանջում։ Ինչպես Սիլիկյանն էր ասում՝ «Ժամանակը չէ դանդաղելու»։ Ժամանակն է միավորվելու՝ Միասնություն, Ուժ, Կամք։ Որպեսզի կարողանանք ասել՝ արժանի էինք մեր պատմությանը։ Շնորհավոր Մայիսի 28, պատմություն, որ պարտավոր ենք շարունակել»։