«Նիկոլ Փաշինյանին պետք էր շատ արագ լիկվիդացնել Դավիթ Սանասարյանին»․ Վաչիկ Գրիգորյան

Լրագրող Վաչիկ Գրիգորյանի ֆեյսբուքյան գրառումը․ «Ի սկզբանե, նպատկը ոչ թե Դավիթ Սանասարյանին նստեցնելն էր, այլ նրան իշխանության շարքերից հեռացնելը: Եվ դա ոչ թե Արսեն Թորոսյանի, Տիգրան Ավինյանի կամ մեկ այլ «պայուսակի» մտահղացումն էր, այլ՝ անձամբ Նիկոլ Փաշինյանի:
Նիկոլը շատ լավ հասկանում էր, որ Դավիթ Սանասարյանը հեղափոխական թիմի շարքային անդամ Չէ, նա առաջնորդ էր, ինչպես ինքը՝ Փաշինյանը: Եվ պետք էր շատ արագ Դավիթին լիկվիդացնել:
Տարօրինակ չէ՞ր, որ Դավիթի գնալուց հետո ՊՎԾ-ի աղմկահարույց բացահայտումները դադարեցին: Նա չէր փայլում հետաքննական կամ կառավարչական որակներով, նա պարզապես ուներ քաղաքական կամք, քաղաքական բնավորություն ու պատասխանատվություն ժողովրդի առաջ, որին առաջնորդել էր մինչև հեղափոխություն:
Էնպես որ, Դավիթի արդարացման լուրը, ինձ մոտ միայն մի զգացում առաջացրեց. վերապրեցի հեղափոխության հանդեպ իմ առաջին հիասթափություններից մեկը»։