«2018-ի «դագաղային հոտը» չեք զգո՞ւմ». Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «2018-ի «դագաղային հոտը» չե՞ք զգում, ես զգում եմ, և, դատելով կրկին տարածվող, խտացած հայհոյանքների, ֆեյքային գրոհների, նաև՝ բարձր պաշտոններ զբաղեցնող քպ-ականների՝ աշխատակազմի ղեկավար, ԱԺ նախագահ, վարչապետ և այլք, այլևս կասկած չկա, որ սրանք վերադարձել են 2018-ի իրենց ռեպերտուարին՝ դագաղագործությանը, հայհոյանքին, վիրավորանքին, անամոթությանը և լկտիությանը։ Սրանք կրկին բացել են իրենց կեղտոտ մտքերը, աղտոտ բերաններն ու եղկելի մտքերը, և մի ամբողջ երկիր, ժողովուրդ կրկին հայտնվել է սրանց գռեհիկ բառապաշարի, գործերի ու քայլերի տակ։
Երևի սրանց հավաստիացրել են, որ կրկին փորձելը հաջողություն կբերի նաև 2026-ին, և կրկին սկսել են մերժել պետականությունը, ազգայինը, հայրենիքը և անվտանգությունը։ Իսկ ամենաուժգինն այս պահին սրանք հարձակվում են, այո, կրկին հարձակվում են Հայ Առաքելական Եկեղեցու վրա, կրկին սրանց ոռնոցը ուղղված է դեպի եկեղեցի և ընտանիք, պահպանողականություն և հավատ։ Իրենց սցենարիստները շատ լավ հասկանում են, որ մեր ժողովրդին միավորելու, հաշտեցնելու, հավատ և հույս ներշնչելու միակ և հզոր կառույցը եղել և ցայսօր էլ մնում է եկեղեցին։
Եվ, սա հերթական ազգակործան ծրագիրն է, ընտրություններից առաջ՝ պղծել, վարկաբեկել, կեղծիք տարածել եկեղեցու և եկեղեցականների ուղղությամբ, հիմնահատակ քանդել այս պահին միակ գոյություն ունեցող և ուժ ներկայացնող ազգային, քրիստոնեական, կառույցը՝ հայոց եկեղեցին, որպեսզի հնարավոր չլինի ազգը միաբանել և հանել պայքարի»։