«Հասարակ մարդիկ չեն հավատում, որ դավաճան է և իրենց ստրկացնելու է շուտով»․ Վահե Սարգսյան

Պատմաբան, խմբագիր Վահե Սարգսյանի ֆեյսբուքյան գրառումը. «Պատկերացրեք՝ դուք, որ ամեն մեկդ մեկ-երկու ինստիտուտ եք ավարտել, գիտությամբ, քաղաքականությամբ եք զբաղվում, ուզում եմ ասել՝ դատողություն ունեք, վաղուց հասկացել եք ամեն ինչ ու գիտեք, թե դա ինչ կարգի այլասերված է, բայց միևնույն է՝ ենթագիտակցորեն չհավատացիք ու գնացիք էջը ստուգեցիք (ես էլ):
Գիտեք, չէ՞, որ հասարակ ու բարիք ստեղծող հարյուր հազարավոր հայ մարդիկ՝ հողագործ, բանվոր, շինարար, խոհարար և այլն, իրենք էլ չեն հավատում, որ Արցախը դա է հանձնել, որ ծառայում է թուրք-ադրբեջանական շահերին, որ դավաճան է, որ իրենց ստրկացնելու է շուտով և այլն: Միևնույն է՝ ենթագիտակցորեն չեն հավատում:
Ինձ թվում է՝ էն վերացած ազգերն էլ են էսպես ազնիվ ու միամիտ եղել»։