«Սքեմի տակ թաքնված բոլոր սրբապիղծների դիմակը պատռելու ենք»․ Արթուր Հովհաննիսյան

«Կարելի է լինել կուսակրոն և այլասերված, և դա նորմալ է, բայց որ դրա մասին խոսում ենք, նորմալ չէ՞»,- խորհրդարանական ճեպազրույցի ժամանակ ասաց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը՝ անդրադառնալով վարչապետի՝ եկեղեցականների վերաբերյալ գրառումներին։

«Մենք թե՛ եկեղեցական, թե՛ եկեղեցուց դուրս գտնվող բոլոր սրբապիղծների դիմակները հերթով պատռելու ենք։ Բոլոր սրբապիղծների, որոնք թաքնվել են սքեմի տակ, 7 տարի ամենալկտի պահվածքով, կրոնի և սրբության հետ կապ չունեցող վարքագծով թիրախավորում են ՀՀ պետականությունն ու հայ ժողովրդին, այդ բոլոր սրբապիղծների դիմակը պատռելու ենք։ Անուն առ անուն թիրախավորելու ենք, անձնավորելու ենք և պատռելու ենք իրենց դիմակը»,- նշեց Հովհաննիսյանը։