«Նիկոլի գործելաոճը հանրությանը յուրայինների ու թշնամիների վերածելուն է միտված»․ Սուրեն Սահակյան

Հասարակական-քաղաքական գործիչ Սուրեն Սահակյանի ֆեյսբուքյան գրառումը․ «Շատերը մտածում են, թե Նիկոլը հոգեկան հիվանդ ա, եթե տենց բաներ ա գրում կամ անում։ Դա շատ սխալ ու վտանգավոր մտածողություն ա, որովհետև դա նշանակում ա, որ քո քաղաքական հակառակորդին, թիրախը չես ճանաչում։ Էդ դեպքում նրա դեմ քո պայքարը արդյունավետ լինելու քիչ շանս ունի։
Իրականությունն էն ա, որ նման գործելաոճը հանրային բևեռացումը մեծացնելուն ա միտված՝ հանրությանը յուրայիննների ու թշնամիների վերածելուն։ Հայաստանում ֆորմալ-քաղաքական ոչ մի լուրջ պրոցես առանց դրա չի հաջողել․ 2008թ․-ին Լևոնի «մոնղոլ-թաթարների ու մյուսների» միջև կոնֆլիկտից բռնած, մինչև 2018-ի «սև-սպիտակն» ու 2021-ի «մուրճն ու մանգաղը»։ Ի տարբերություն ոչ ֆորմալ քաղաքական գործընթացների, որոնց մասնակիցն ու շահառուն էր դառնում ողջ ժողովուրդը (օրինակ՝ ուղեվարձերի թանկացման դեմ բողոք, «Դեմ եմ», «Էլեկտրիկ Երևան»), էստեղ ժողովրդի մասնակցությունը չի էլ խրախուսվում․ նրան առավելագույնը՝ վերապահվում ա հեռվից թամաշա անելու ֆունկցիան։ Ավելին՝ առաջին դեպքի անունը դնում են «քաղաքացիական», երկրորդինը՝ «քաղաքական» ու դրանով ևս մի փորձ անելով մարդուն իր և իր երկրի ապագան որոշելու հարցում մասնակցությունից հեռու պահել։ Երկրորդ դեպքում էն աստիճանի զզվելի աբսուրդի են հասցնում հարաբերությունները, որ մարդը նույնիսկ զզվի դրա հետ առընչությունից ու հպարտանա, թե երբեք կուսակցական չի եղել, չի էլ լինի։ Դրա հետևանքն էն ա, որ ֆորմալ քաղաքական գործընթացների մեջ մտնողը արդեն հազարումի կարմիր գծեր հատած լինի, հավասարված լինի իրենց, ընդունած լինի էդ օրենքները, խաղի կանոնները ու որոշում ընդունելու իրավունքը վիճարկվի միայն էդ ցածր մակարդակում։ Հայաստանն այլ քաղաքական մշակույթ չունի։ Սենց «քաղաքական» մի ողջ սերունդ ա մեծացել։ Նիկոլը, որպես էդ սերնդի վառ ներկայացուցիչ, այլ կերպ չի էլ կարող։ Ու քանի դեռ ժողովուրդը կողքից նայողի պասիվ դերից դուրս չգա, էս սխեման հա՛ շարունակվելու ա, մենք միշտ նման քարոզարշավների ենք ականատես լինելու ու, հակառակ տարրական ողջամտության, փորձելու ենք զերծ մնալ մեր վերաբերյալ որոշումներ կայացնելու պրոցեսից»։