Ինչպես են պաշտոնյաները «փախչում»` Նիկոլ Փաշինյան-հոգևորականներ թեմայով հարցերից

Վարչապետի՝ բարձրաստիճան հոգևորականներին ուղղված սկանդալային գրառումների վերաբերյալ լրագրողների հարցերը կառավարության անդամների համար խիստ անցանկալիներից են, ամեն կերպ փորձում են խուսափել արձագանքելուց։ Տեսաշարերից մեկում փոխվարչապետ Տիգրան Խաչատրյանն է։ Հարցին՝ ընդունելի՞ է Փաշինյանի բառապաշարը, չի պատասխանում՝ շտապելով նստել մեքենան։ «Պարո՛ն Խաչատրյան, չեք լսո՞ւմ»,- ասում է լրագրողը։

Ֆինանսների նախարար Վահե Հովհաննիսյանը խնդրում է փակել թեման, «որքանո՞վ է կոռեկտ իքս սրբազանի ու նրա քեռակնոջ կենակցելու» գրառման վերաբերյալ հարցին պատասխանելով՝ «Նիկոլ Փաշինյանն ազատ է իր սոցցանցում գրելու այն, ինչ նպատակահարմար է գտնում․․․»։

ԱԱԾ տնօրեն Արմեն Աբազյանն էլ լսելով՝ «Փաշինյանից հրահանգ ստացե՞լ եք գաղտնալսել սրբազաններին, կաթողիկոսի հետ կապված տեղեկություն տվե՞լ եք վարչապետին» հարցը, շրջվում է ու նստում մեքենան: