«Արդեն չորրորդ օրն է՝ Նիկոլն էյֆորիկ ցնցումներ չի ունեցել». Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Արդեն չորրորդ օրն է՝ Նիկոլը էյֆորիկ ցնցումներ չի ունեցել, ու մի յուրատեսակ «թայմ աութի» մեջ է․ նրա կողմից տևական ժամանակ իրականացվող եկեղեցու թիրախավորման արշավը «հրադադարի» փուլում է։ Ըստ էության՝ Իրան-Իսրայել ընթացող պատերազմը հանդիսացավ այն միջոցը, որպեսզի ներհայաստանյան այդ էքզիստենցիալ դեմարշը որոշակիորեն մեղմվի։
Ըստ իս՝ առաջիկա օրերին, հատկապես վաղը սպասվող ԱԺ հարցուպատասխանի ընթացքում, թեման մի գրադացիա վերև կուժեղացնի, ու որոշակի «պորցիա» բաց կթողնի՝ լրացնելով այս օրերի լռությունը։ Գրեթե կասկած չուենեմ, որ Նիկոլը լավ հաշվարկել է, որ ընթացող պատերազմի ֆոնին, որն ունի լուրջ տարածաշրջանային պայթյունավտանգ ռիսկեր, պետք չի շարունակել եկեղեցու դեմ դեմարշը, և որոշակի «պաուզա» է վերցրել, սակայն դա կարճատև գործընթաց է լինելու՝ նոր ալիքը թերևս չի ուշանա։
Շատ կարևոր է հասկանալ, որ այս «պաուզան» ոչ թե գաղափարական թեզերի վերանայում է, կամ հետքայլ, այլ ուղղակի ժամանակավոր մարտավարություն։ Նիկոլը հասկանում է, որ հասարակության լայն շրջանակի հիմնական ընկալումն այն է, որ իր հիմնական գործերը թողած «թիթեռ է նկարում», իսկ ընթացող պատերզամի ֆոնին, որը մեզ համար նույնպես ունի լրջագուն վտանգներ, այդ ընկալումն էլ ավելի կխորանա, ուստի ժամանակավորապես «պաուզա» է վերցրել։
Ըստ էության՝ երբ անհայրենիք ազգակործանի կողմից սրբությունների դեմ հարվածը «հրադադարի» ռեժիմում է, դա չի նշանակում, թե նա զղջացել է, ընդհակառկը՝ պարզապես փնտրտուքի մեջ է, որպեսզի հաջորդ հարվածն առավել արդյունավետ լինելու»: