«Մոռացեք «Զանգեզուրի միջանցքը», լինելու են ճանապարհներ»․ Ալեն Սիմոնյան

ԱԺ նախագահ Ալեն Սիմոնյանը լրագրողների հետ զրույցում հայտնեց, որ Իսրայել-Իրան հակամարտության հնարավոր զարգացումների և ազդեցությունների վերաբերյալ եղել են քննարկումներ, կան գնահատականներ․ «Թիվ մեկ ռիսկն այն է, որ պատերազմը կարող է շատ երկար տևել, այլ բնույթի վերածվել, ներառվեն այլ երկրներ։ Մեզ ստաբիլ հարևան է պետք, այն ինչ տեղի է ունենում, մեզ համար անընդունելի է»,- ասաց Սիմոնյանը։
Դիտարկմանը, թե Ադրբեջանը կրկին «Զանգեզուրի միջանցքի» մասին է խոսում, Սիմոնյանը պատասխանեց․ «Մոռացեք «Զանգեզուրի միջանցքը», լինելու են ճանապարհներ, դրա մասին խոսել ենք, իրավական ձևակերպումները բազմիցս տրվել են»։