«Սամվել Կարապետյանը բարձրաձայնել է իրականության մասին»․ Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը. «Սամվել Կարապետյանի հրապարակված նամակը կարդալիս մի պահ մոռանում ես՝ դա անհատական պատմությո՞ւն է, թե՞ ամբողջ դատաիրավական համակարգի դատավճիռ։
Ուժայիններից սկսած՝ մինչև դատավոր՝ բոլորը հերթով մասնակցում են նույն ներկայացմանը, որի սցենարը գրվում է «վերևից», բայց գինը վճարում են «ներքևում»: Ու զարմանալին այն չէ, որ բոլորը գիտեն՝ ինչ են անում։ Զարմանալին այն է, որ գիտեն ու շարունակում են անել։
Սամվել Կարապետյանն ընդամենը ձայն է բարձրացրել այն իրականության մասին, որի մեջ արդեն վաղուց ապրում են հազարավոր քաղաքացիներ, նախկին նաև ներկա պաշտոնյաներ, լրագրողներ, ուսուցիչներ, եկեղեցականներ… մի ամբողջ խաչված հասարակություն»։