«ՀԷՑ-ի պետականացման որոշումը ճիշտ ռազմավարական քայլերից մեկն է». Սեդա Աղբալյան

Երևանի քաղաքապետարանի մշակույթի և տուրիզմի վարչության տուրիզմի բաժնի պետ Սեդա Աղբալյանի ֆեյսբուքյան գրառումը. «ՀԷՑ-ի պետականացման որոշումը, իմ կարծիքով, Զանգեզուրի պղնձամոլիբդենային կոմբինատի բաժնեմասի պետականացումից հետո ամենահստակ ու ճիշտ ռազմավարական քայլերից մեկն է մեր երկրում... Էլեկտրաէներգիայի բաշխումը պետք է լինի պետության վերահսկողության ներքո՝ որպես ազգային անվտանգության, տնտեսական անկախության և սոցիալական արդարության հիմնասյուն։
Բայց արդյո՞ք արդար է պետականացնել միայն ՀԷՑ-ը։
Եթե խոսում ենք ռազմավարական նշանակության օբյեկտների վերահսկողության մասին, ապա պետք է օրակարգ բերվեն նաև՝
Հարավկովկասյան երկաթուղին,
Զվարթնոց միջազգային օդանավակայանը, և հատկապես՝ հաղորդակցության ու բջջային կապի համակարգերը։
Սրանք համակարգեր են, որոնք ուղղակիորեն կարող են ազդել մեր ինքնիշխանության, տեղեկատվական անվտանգության և տնտեսական զարգացման վրա։ Պետությունն առնվազն պետք է ունենա մասնակցություն (բաժնեմաս) այս ոլորտներում՝ ոչ միայն կարգավորելու, այլև վերահսկելու, երբ անհրաժեշտ է։
Առհասարակ, որտեղ ձևավորվում է մոնոպոլիա կամ օլիգոպոլիա, այդտեղ պետությունը պետք է բիզնեսի մասնակից դառնա, որպեսզի բոլորի իրավունքները հավասարապես պաշտպանված լինեն...»: