«Չէին հայտնվի այդ իրավիճակում, եթե ժամանակին նախաձեռնեին իմպիչմենթի գործընթաց»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «ՀՀ գլխավոր դատախազ Աննա Վարդապետյանի միջնորդությամբ, ՀՀ Ազգային ժողովի պատգամավոր Հովիկ Աղազարյանին պատգամավորական անձեռնմխելիությունից զրկելուց հետո, նա նախաձեռնել է Նիկոլ Փաշինյանին անվստահություն հայտնելու գործընթաց։
Այսօր ՀՀ գլխավոր դատախազ Աննա Վարդապետյանը միջնորդում է անձեռնմխելիությունից զրկել Ազգային ժողովի «Հայաստան» խմբակցության ղեկավար Սեյրան Օհանյանին, խմբակցության քարտուղար Արծվիկ Մինասյանին և նույն խմբակցության անդամ պատգամավոր Արթուր Սարգսյանին։ Հույս կա, որ գոնե նրանք կհետևեն Հովիկ Աղազարյանի օրինակին և կմիանան վարչապետին անվստահություն հայտնելու գործընթացին։
Նրանք չէին հայտնվի այդ իրավիճակում, եթե ժամանակին նախաձեռնած լինեին իմպիչմենտի գործընթաց»։