Զելենսկին կոչ է արել արևմտյան երկրներին խստացնել ՌԴ-ի դեմ պատժամիջոցները՝ պարտադրելով խաղաղություն

Ռուսաստանն ամեն ինչ անում է՝ Ռուսաստանի և Ուկրաինայի նախագահների հանդիպումը խափանելու համար, որի անցկացումը պնդում է ԱՄՆ նախագահ Դոնալդ Թրամփը, և որին Կիևը համաձայն է։ Այս մասին ուրբաթ օրը հայտարարել է Ուկրաինայի նախագահ Վլադիմիր Զելենսկին ՆԱՏՕ-ի գլխավոր քարտուղար Մարկ Ռյուտեի Կիև այցի ժամանակ մամուլի ասուլիսում։
Զելենսկին կոչ է արել արևմտյան երկրներին խստացնել Ռուսաստանի դեմ պատժամիջոցները՝ նրան խաղաղության պարտադրելու համար։ Ուկրաինայի նախագահի խոսքով՝ Ռյուտեի հետ քննարկվել են անվտանգության երաշխիքները, որոնք արևմտյան երկրները կարող են տրամադրել Ուկրաինային Մոսկվայի հետ խաղաղության համաձայնագրի հասնելուց հետո։ Ուկրաինայի նախագահի խոսքով՝ այդ երաշխիքները կարող են նման լինել Հյուսիսատլանտյան պայմանագրի 5-րդ հոդվածին՝ կոլեկտիվ պաշտպանության վերաբերյալ, նույնիսկ եթե Ուկրաինան ՆԱՏՕ-ի անդամ չլինի։ Ռյուտեն չի մեկնաբանել այս մասին, բայց նշել է, որ անվտանգության երաշխիքների վերաբերյալ աշխատանքները, որոնց կմասնակցի նաև Միացյալ Նահանգները, շարունակվում են։