«Օրվա խորհրդին բնորոշ որևէ միջոցառում չի կազմակերպվել»․ Էդգար Ղազարյան

Հասարակական-քաղաքական գործիչ Էդգար Ղազարյանը հավաք-ասուլիս էր կազմակերպել ԱԺ-ի դիմաց՝ Անկախության հռչակագրի ընդունման 35-ամյակի առթիվ։ «Ցավ է, որ այսօր ո՛չ պետական մակարդակով և ո՛չ էլ այլ քաղաքական ուժերի նախաձեռնությամբ չեն կազմակերպվել օրվա խորհրդին բնորոշ միջոցառումներ։ Հատկապես հիմա, երբ վտանգված է Անկախության հռչակագրի գոյությունը և դրանով պայմանավորված մեր պետության գոյությունը»,- ասաց Ղազարյանը՝ նշելով, որ որպես այդ հռչակագրի ընդունմանը մասնակցած պատգամավորի որդի քաղաքացիական պարտք ունի սրբությամբ պահպանել ՀՀ պետականությունն ու այն փոխանցել սերունդներին։ «Եվ ոչ մի հանցագործներ՝ իրենց թանկարժեք շարասյուներով ու ցոփ ու շվայտ կյանքով չեն կարող ոչնչացնել ՀՀ-ն։ Ալեն Սիմոնյանի շարասյունն էր անցնում, դրա համար հատուկ շեշտեց»,- լրագրողների հետ զրույցում ասաց Ղազարյանը։