«Նիկոլ Փաշինյանը շնորհավորել է հռչակագրի ոչնչացման կապակցությամբ»․ Նարեկ Մալյան

«Մի շատ կարևոր մի բանի վրա եմ ուզում ձեր ուշադրությունը սևեռել։ Նիկոլ Փաշինյանի ուղերձում պատմվում է, թե ինչքան վատ բան է անկախությունը, պրոբլեմների, փորձանքների, խնդիրների առաջացման պատճառ է, այդ ամենը այլևս չկա, ինչի կապակցությամբ մեզ շնորհավորում է։ Այսինքն, Նիկոլ Փաշինյանի ուղերձը ոչ թե Անկախության հռչակագրի 35-ամյակի կապակցությամբ շնորհավորանք է, այլ՝ հռչակագրի ոչնչացման, վերացման կապակցությամբ»,- ԱԺ դիմաց կազմակերպված հավաքի ժամանակ լրագրողների հետ զրույցում ասաց հասարակական գործիչ Նարեկ Մալյանը՝ նշելով, որ դա բխում է այն անպատիժ ցինիզմից, ինչով նրան օժտել են իր դեմ որևէ պայքար չտանող ընդդիմախոսները։

«Թևերն ազատ ինչ ուզում անում է, ծաղրում է, ընդդիմությանն իրեն հանցակից է համարում, ասաց չէ՞, եթե դեմ եք, հեղափոխողություն արեք։ Հիմա էլ մեզ շնորհավորում է հռչակագրի ոչնչացման կապակցությամբ»,-ասաց նա։