«Հայաստանում քաղաքական մշակույթ գոյություն չունի, անգամ պետություն գոյություն չունի»․ «ՀայաՔվե»

«ՀայաՔվե»-ի թելեգրամյան գրառումը․ «Եթե Մովսես Խորենացին մեր ժամանակներում ապրեր, այն կբնորոշեր որպես «ժամանակ խայտառակությանց»:

•Իսկապես, սա խայտառակություն է, ցուցիչ, որ Հայաստանում քաղաքական մշակույթ գոյություն չունի, անգամ պետություն գոյություն չունի. պետություն և իշխանություն հասկացությունները ՀՀ-ում նույնականացված են, և այս ամենը տեղի է ունենում Փաշինյանի քսի տալով:

Իշխող վարչախմբի ներկայացուցիչները բազմիցս դրսևորել են բորենու վարքագիծ՝ խմբով հարձակվել են մեկ-երկու հոգու վրա: Դա պայմանավորված է նրանով, որ շատերն են ուզում ՔՊ վարչության ապագա ցուցակի մեջ լինել: Նրանց համար ոչ մի սրբություն գոյություն չունի, և կարևորագույնն իշխանության մեջ լինելն ու ՔՊ ցուցակի մեջ տեղավորվելն է:

Քանի որ հիմա, առավել, քան երբևէ, պրոֆեսիոնալիզմի, աշխատասիրության և այլնի փոխարեն՝ ամենագնահատվող հանգամանքը պարագլխին ծառայելու, հաճոյանալու մոլուցքն է, դրանով էլ պայմանավորված է այս աղտեղի վիճակը»: