«Փաշինյանն այսօր աճուրդի հանեց Մեղրիի ճանապարհի ստրատեգիական նշանակության հատվածը»․ Աննա Գրիգորյան

«Այսօր Նիկոլ Փաշինյանը հստակ ասաց, որ Մեղրիի ճանապարհի արտապատվիրակումը ընդունելի է իրենց համար, որ ԱՄՆ-ի կողմից կա նման առաջարկ, և իրենք հետաքրքրված է այդ առաջարկով»,- «24Նյուզ»-ի հետ զրույցում նշեց ԱԺ «Հայաստան» խմբակցության պատգամավոր Աննա Գրիգորյանը։

«Պարզ իրողությունն այն է, որ կա հստակ պահանջ Թուրքիայի և Ադրբեջանի կողմից, և այդ պահանջը սահմանափակվում է Մեղրիի ճանապարհի որոշակի կարգավիճակով․․․ Նիկոլ Փաշինյանն իր հակապետական քաղաքականության արդյունքում հույս ուներ, որ կարող է Արցախը ճանաչել Ադրբեջանի կազմում, բայց դրա փոխարեն կարողանալու է զերծ մնալ նոյեմբերի 9-ի համաձայնագրի 9-րդ կետի իրականացումից և ճանապարհ չի տրամադրելու՝ Նախիջանն Ադրբեջանին կապող։ Բայց արդյունքում ի՞նչ ստացվեց․․․ Հիմա եկել հասել են նրան, որ արտապատվիրակելու են․ եթե քո տարածքից արտապատվիրակում ես երրորդ կողմին, տեղի է ունենալու ինքնիշխանության զիջում․․․»,- նշեց Գրիգորյանը։

Պատգամավորի դիտարկմամբ՝ Սյունիքի ճանապարհի հարցում պետք է լինի նաև Իրանի դիրքորոշումը, քանի որ իրենք բազմիցս խոսել են երրորդ ուժի ներկայության անընդունելիության մասին․ «Պետք է հաշվի առնել նաև Իրան-ԱՄՆ հարաբերությունները, որոնք այնպես չէ, որ հիմա լավ փուլում են․․․ Անհնար է առանց Իրանի հետ բանակցությունների հերթական արկածախնդրության գնա»լ։