«Կրա՞կն ենք ընկել այս ընկերությունների ձեռքը»․ Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը․ «Եթե բնակիչը ջուր կամ հոսանք է օգտագործում և պարտաճանաչ վճարում է դրա համար, հապա հոսանքազրկման կամ ջրազրկման պարագայում, այդ ո՞ր տրամաբանությամբ, Վեոլիա ջուրը կամ ՀԷՑ-ը չպետք է փոխհատուցեն բնակչին։
Էլ չեմ խոսում, այդ ընկերությունների պատճառած մեծաքանակ վնասների մասին։ Մասնավորապես․ տարիներ առաջ, Անդրանիկի փողոցում ջրի տատանման արդյունքում բնակելի շենքերում ջրագծերի վթարներ էին առաջացել և բավականին տներ «ջրվել»՝ փչացնելով վերանորոգած տան գույքը, պատերը։ Սակայն, որևէ բնակիչ անկարող եղավ ապացուցել իր իրավացիությունը։ Չնայած, որ նույն ժամանակամիջոցում բազմաթիվ նման դեպքեր էին արձանագրվել նույն թաղամասում։
Հիմա, քաղաքի կեսն այս պահին ջրազրկված է։ Կրակն ե՞նք ընկել այս ընկերությունների ձեռքը։
Հ․Գ․ Ընթերցո՛ղ․ եթե դու գրառմանս մեջ նիկոլիզմի հետք ես որոնում, ուրեմն քո ուղեղն առնվազն վարակված է բռուցիլոզով․․․»։