«Եթե ժողովուրդը պադերժկա անի, պատրաստ եմ երկիրը ղեկավարել»․ Վարդան Ղուկասյան

«Ես պատրաստ եմ երկիրը ղեկավարել»,- «Նյուզ»-ի հետ զրույցում ասում է Գյումրու քաղաքապետ Վարդան Ղուկասյանը՝ թվարկելով այն բոլոր ծրագրերը, որոնք վարչապետ լինելու դեպքում պատրաստ է իրագործել՝ հանքերի պետականացումից մինչև բյուջեի ավելացում։ «Չեմ ընդունում ոչ Նիկոլ Փաշինյանին, ոչ նախկիններին, նոր ուժ է պետք, հայեցի ղեկավար, որ պայմաններ ստեղծի՝ ազգը շատանա, ծնելիությունը բարձրանա, ռազմարդյունաբերությունը զարգանա․․․Եթե նման մարդ կա, գնամ հետևից, եթե չկա, ես պատրաստ եմ, թող ժողովուրդը պադերժկա անի, հելնեմ, տեսեք՝ ինչ եմ անելու, խոսք եմ տալիս բարձրաձայն»,- ասաց Ղուկասյանը։