«Կամբոջայի և Թայլանդի միջև լայնամասշտաբ պատերազմի վտանգն իրական է»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Կամբոջայի և Թայլանդի միջև սկսված ակտիվ հակամարտության այս փուլը բնականաբար ունի որոշակի նախապատմություն, որի հիմքը վիճելի տարածքն է։ Ընդ որում սահմանային բախումների առաջին դեպքը չի սա։ Տեղեկություններ կան, որ երկու կողմերից էլ փոխադարձաբար միմյանց տարածքներ են ներխուժել, փոխանակվում են հրթիռա-հերտանային հարվածներով, ինչպես նաև հրաձգային և գնդացրային զենքերով։ Թայլանդը նաև ավիահարվածներ է հասցնում Կամբոջային, ինչպես արդեն նշել էի, ավիահարվածներ են հասցվել Կամբոջայի մի քանի ռազմական և քաղաքացիական օբյեկտների։ Նաև հաղորդագրություն կա, որ թայլանդական զինված ուժերը հատելով կամբոջա-թայլանդական սահմանը սկսել են ցամաքային օպերացիա՝ «Yuttha Bodin» անվանումով։

Մեկ ժամ առաջ արդեն տեղեկություններ տարածվեցին, որ թայլանդական բանակը արդեն գրավել էր 2-3 գյուղ Կամբոջայից։
Ի տարբերություն նախորդ բախումների, այս անգամ կարծես թե լայնամասշտաբ պատերազմի վտանգը լրիվ իրական է։

Թայլանդի բանակը հայտարարել է Կամբոջայի հետ սահմանային բախումների հետևանքով 9 զոհի և 14 վիրավորի մասին»։