Թրամփը գոլֆի դաշտ է բացել ու խոստացել լուծել Մերձավոր Արևելքում ստեղծված իրավիճակը

ԱՄՆ-ի նախագահ Դոնալդ Թրամփը հայտարարել է, որ «համատեղ աշխատում է» Իսրայելի վարչապետ Բենիամին Նեթանյահուի հետ՝ Մերձավոր Արևելքում ստեղծված իրավիճակը «լուծելու» համար։

Շոտլանդիայում նոր գոլֆի դաշտ բացող Թրամփին հարցրել են, թե ինչ է նա պատրաստվում ասել Նեթանյահուին, ինչին նա պատասխանել է. «Մենք համատեղ աշխատում ենք իրավիճակը լուծելու փորձ կատարելու համար»։

Մինչ այդ տարածաշրջանում հնարավոր հրադադարի մասին հարցին ամերիկացի նախագահը պատասխանել է. «Իրավիճակը կբարելավվի»։

Վերջին շաբաթներին ԵՄ երկրների մեծ մասը ակտիվացրել է Իսրայելի դեմ իրենց հռետորաբանությունը՝ Գազայում մարդասիրական օգնություն ստանալ փորձող խաղաղ բնակիչների սպանությունների պատճառով։

Թրամփը նախկինում ասել էր, որ Գազայի հատվածում սովի խնդիրը համարում է իրական։