««Զանգեզուրի միջանցք»-ի գլխավոր նպատակներից է լինելու Իրանի տրանսպորտային պարալիզացումը»․ Վահե Դավթյան

«Եթե այսպես կոչված «Զանգեզուրի միջանցք» նախագիծը կյանքի կոչվի, հարվածի տակ է հայտնվում Սյունիքը։ Իրականցվելու է ապամիլիտարիզացման քաղաքականություն, այսինքն որևէ զինված ուժ այնտեղ չպետք է ներկա լինի, մասնավորապես՝ ՀՀ ԶՈՒ-ն»,- 168-ի եթերում նման տեսակետ է հայտնել էներգետիկ անվտանգության փորձագետ Վահե Դավթյանը՝ նշելով, որ ապամիլիտարիզացման փուլին կհաջորդի Սյունիքում ազատ տնտեսական գոտի ձևավորելու փուլը, որը բաց կլինի տարածաշրջանի մի շարք երկրների համար․ «Եթե Սյունիքում իրականացվի ազատ տնտեսական գոտու նախագիծ, ապա ֆինանսական հոսքերը և ենթակառուցվածքային լուծումներն ուղղակիորեն ռիսկ են ներկայացնելու ՀՀ ազգային տնտեսական մոդելի համար»,- ասել է Դավթյանը՝ հավելելով, որ «Զանգեզուրի միջանցք» նախագծի գլխավոր նպատակներից մեկը լինելու է Իրանի տրանսպորտային պարալիզացումը, հյուսիս-հարավ լոգիստիկ միջանցքի ձախողումը։