Մահացել է Մյանմայի նախագահի պաշտոնակատարը

Մյանմայի գործող նախագահ Մինտ Սվեն մահացել է օգոստոսի 7-ի առավոտյան, հաղորդում է Reuters-ը՝ հղում անելով MRTV պետական հեռուստաալիքին։

Մինտ Սվեն մահացել է 74 տարեկան հասակում՝ մայրաքաղաք Նայպիտաուի ռազմական հոսպիտալում։
Նա նախագահ է դարձել այն բանից հետո, երբ գործող նախագահ Վին Մինտը ձերբակալվել է 2021 թվականի փետրվարի 1-ին տեղի ունեցած ռազմական հեղաշրջման ժամանակ։ Մինչ այդ Մինտ Սվեն 2016 թվականից ի վեր զբաղեցնում էր երկրի փոխնախագահի պաշտոնը։

2024 թվականին հայտնի դարձավ, որ Սվեն տառապում է Պարկինսոնի հիվանդությամբ և դրան առնչվող նյարդաբանական խանգարումներով։ Առողջական վիճակից ելնելով՝ նա հիվանդության արձակուրդ է վերցրել, և Մյանմայի զինված ուժերի գլխավոր հրամանատար Մին Աուն Հլեյնը դարձել է պետության փաստացի ղեկավարը։