Ուրբաթ, 13 նոյեմբերի, 2026 թ.
|
Ստեփանակերտում`   +12 °C

«Հայաստանի և Ադրբեջանի միջև խաղաղության համաձայնագիրը կարևոր է ԱՄՆ-ի ազգային անվտանգության համար». Սթիվ Դեյնս

«Հայաստանի և Ադրբեջանի միջև խաղաղության համաձայնագիրը կարևոր է ԱՄՆ-ի ազգային անվտանգության համար». Սթիվ Դեյնս
454
Հինգշաբթի, 07 օգոստոսի, 2025 թ., 23:14

Հայաստանի և Ադրբեջանի միջև խաղաղության համաձայնագիրը կարևոր է ԱՄՆ ազգային անվտանգության համար։

Այս մասին 77 WABC ռադիոկայանին տված հարցազրույցում ասել է ԱՄՆ Սենատի արտաքին հարաբերությունների հանձնաժողովի անդամ Սթիվ Դեյնսը։
Նա նշել է. «Ադրբեջանը և Հայաստանը այժմ գտնվում են խաղաղության համաձայնագրի ստորագրման փուլում և իրականում սկսում են համագործակցել՝ Կենտրոնական Ասիայի նավթի, բնական գազի և հանքանյութերի կարևորագույն պաշարների հասանելիությունը բացելու համար»։

Սենատորը նաև ընդգծել է այսպես կոչված Զանգեզուրի միջանցքի աշխարհաքաղաքական նշանակությունը. «Այս միջանցքի միջոցով Կենտրոնական Ասիայի հինգ երկրներ գտնվում են Ռուսաստանից և Չինաստանից հեռանալու և դեպի Եվրոպա և Արևմուտք վերակողմնորոշվելու եզրին։ Սա կարևորագույն պահ է»։

Սթիվ Դեյնսը հիշել է մայիսին Ադրբեջան կատարած իր այցը. «Ես այնտեղ էի մայիսին, հանդիպեցի Ադրբեջանի նախագահ Իլհամ Ալիևի հետ, ապա գնացի Հայաստան և հանդիպեցի վարչապետ Նիկոլ Փաշինյանի հետ։ Նրանք գտնվում են այս խաղաղության համաձայնագրի կնքման եզրին»։

Կարդացե՛ք նաև