«Հայաստանի պաղեստինացումը»․ Բագրատ Սրբազանի արձագանքը
![]() 126 Շաբաթ, 09 օգոստոսի, 2025 թ., 11:00 «Սրբազան պայքար» թելեգրամյան ալիքը հայտնում է․ «Սրբազան Պայքարի առաջնորդ, քաղբանտարկյալ Բագրատ արքեպիսկոպոս Գալստանյանի նամակ է գրել ԱԱԾ շենքում գտնվող «Երևան-Կենտրոն» ՔԿՀ-ից․ «Հայաստանի պաղեստինացումը (Պրահա 2 Վաշինգտոնում)։ Դեռևս 2020թ. Դեկտեմբերին, երբ չարիքը սկսեց խոսել այսպես կոչված «անկլավների» մասին, դեռ այն ժամանակ շեշտեցի, որ սա տանում է մեր երկրի պաղեստինացման՝ չորս կողմից շրջափակված, թշնամու կողմից վերահսկվող ճանապարհներով և անցակետերով՝ հյուսիսից Տավշո գյուղերն ու տարածքները հանձնելով մինչև Լոռվա սահման, իսկ հարավից Տիգրանաշեն ու Սյունիքը կտրելով ճանապարհ կամ միջանցք կոչվածով։ Դժբախտաբար, այս կանխատեսումս իրականություն է դառնում։ Դեռ ավելին, ինչպես բազմիցս նշել եմ Հայաստան աշխարհս քայլ առ քայլ վերածվել և արդեն իսկ վերածվում է. ա) զուտ տարածքի՝ առանց որևէ տարածքային կիլոմետրային արձանագրման, աշխարհաքաղաքական խաղացողների համար՝ ռազմաբազա, ճանապարհ, միջանցք, թուրանական երազանք, բ) թմրանյութերի տարածման և սպառման միջավայր և տարանցիկ ճանապարհ՝ ոչ առանց իշխանության հովանավորության (շատ փողի մոլուցքով), գ) փողերի լվացման միջավայր և տարածք՝ ոչ առանց իշխանության հովանավորության (դարձյալ շատ փողի մոլուցքով), դ) ընտանիքի նոր մոդելի կամ հին մոդելի նորաձև փորձարկման միջավայր, որին անունն արդեն իսկ տրված է, ե) տոտոալիտար աղանդների զանազան կազմակերպությունների անարգել քարոզչական հնարավորությունների միջավայր՝ փորձելով լուսանցք մղել Հայ Եկեղեցին՝ ցանկանալով այն հավասարեցնել մյուս կրոնական կազմակերպությունների աստիճանին (արդեն իսկ ընթացքի մեջ)։ Ակնհայտ է, որ այս բոլոր նշածներս արդեն իսկ ընթացքի մեջ են և այո՛, իրականություն են դառնում, որքան էլ չցանկանանք այն ընդունել ժխտելով իրականությունը։ Հետևաբար, այս չարիքի իշխանությունը հեռացնելու պայքարը ոչ միայն սոսկ քաղաքական, այլև և հատկապես քաղաքակրթական՝ արժեքային անհրաժեշտություն է։ Չարիքի իշխանության հետ ամեն ինչ պարզ է. «Վա՜յ անօրենին, չարիքներ պիտի գան նրա վրա՝ ըստ իրենց կատարած չար գործերի… նրանք, ովքեր երանի են տալիս ձեզ, խաբում են ձեզ և խոտորում ձեր շավիղները» (Եսայի Գ։ 11-13)։ Այսօր գնդակը հայրենասեր մարդկանց դաշտում է։ Միակ ճանապարհը չարիքի իշխանության հեռացումն է առանց հավակնությունների և անձնական շահի՝ մղվելու պայքարի առանց վախերի, հոգնության և հուսահատության, առանց տրտնջալու և ժխտելու իրականությունը՝ ականջալուր աստվածային խոսքին, որ պիտի կոչվենք ազգ արդարության «…ձեր ամոթի փոխարեն կրկնակի ուրախություն, ձեր անարգանքի փոխարեն ցնծություն պիտի վայելեք և ապա դարձյալ ժառանգեք երկիրը…» (Եսայի ԿԱ։7)։ Մեզ համար մեր երկրի, մեր Տան ազատագրումը գերագույն և անսակարկելի արժեք է և Հաղթանակն այլընտրանք չունի… Հայրենիքի կալանավոր Բագրատ արք. Գալստանյան»»։ Աղբյուրը` «Սրբազան պայքար» |
«Ադրբեջանը ձգտում է Նախիջևանի նման մինչև վերջին քարը ոչնչացնել և փակել Արցախի էջը»․ Արա Պողոսյան (տեսանյութ)
2000:30«Չինաստանում Պուտինը հանդիպումներ կունենա Էրդողանի, Փեզեշքիանի, հնարավոր է՝ Կիմ Չեն Ընի հետ». Ուշակով
3900:17«Ընդդիմության պարտավորությունն է ստախոս մանիպուլյատորներին միշտ պահել լուսարձակի լույսի ներքո»․ Լևոն Զուրաբյան
19Երեկ, 23:58Իսրայելցի նախարարը Թուրքիան համեմատել է ՀԱՄԱՍ-ի հետ
70Երեկ, 23:45«Սա է ՀՀ ղեկավարի առաջարկը՝ զբոսաշրջիկ հայրենիքում»․ Հրանտ Մելիք-Շահնազարյան
36Երեկ, 23:21«Թրամփը դիտարկում է Վենեսուելային հարվածներ հասցնելու հնարավորությունը». Սպիտակ տուն
87Երեկ, 23:15«ԱՄՆ-ի կողմից որևէ ճնշում չկա՝ հանուն խաղաղության տարածքային զիջումների հարցում». Երմակ
89Երեկ, 22:51«Նուբարաշենի երեխեքը որ 8։15 դպրոց գնան, Դավթաշենի կամո՞ւրջն է թեթևանալու, թե՞ Մյասնիկյան պողոտան»․ Մեսրոպ Առաքելյան
46Երեկ, 22:36