«Թուրքիան լիակատար մտնում է Հարավային Կովկաս»․ Մհեր Աբրահամյան

275

Շաբաթ, 09 օգոստոսի, 2025 թ., 15:24

Թուրքագետ Մհեր Աբրահամյանի թելեգրամյան գրառումը․ «

Թուրքիայի արտգործնախարարությունը հայտարարել է․ «Ուրախությամբ նշում ենք, որ առաջընթաց է գրանցվել Ադրբեջանի և Հայաստանի միջև կայուն խաղաղության հաստատման ուղղությամբ, և այդ համատեքստում այսօր՝ օգոստոսի 8-ին, Վաշինգտոնում արձանագրված կամքը։ Միջազգային հակամարտություններն ու ճգնաժամերը գնալով սրվելու պայմաններում այս քայլը տարածաշրջանային խաղաղության և կայունության ապահովման տեսանկյունից չափազանց կարևոր զարգացում է։ Գնահատում ենք ԱՄՆ կառավարության մասնակցությունը գործընթացին։ Հարավային Կովկասի խաղաղության և բարեկեցության հասնելու ուղղությամբ պատմական հնարավորություն է բացվել։ Որպես Թուրքիա՝ կշարունակենք նպաստել այս հնարավորության իրականացման համար տարվող աշխատանքներին և կաջակցենք մեր եղբայրական Ադրբեջանի ինքնազոհաբար իրականացվող ջանքերին»։

Սա երեկ Թուրքիայի ԱԳՆ տարածած հայտարարությունն է, որտեղ հատկանշական է վերջին նախադասությունը: Թուրքիան լիակատար մտնում է Հարավային Կովկաս, այն ինչ ուզում էր անել 1920թ և կիսատ մնաց, իսկ հիմա դառնում է շոշափելի իրականություն: Հայաստանը դառանալու է մենամատրի գորգ, իսկ մինչ այդ, տեղի է ունենալու Հայաստանի տնտեսական ոչնչացման քաղաքականությունը, երբ մեր տնտեսությունը կախվածության մեջ է լինելու Ադրբեջանի ու Թուրքիայի կամքից, ինչ նրանց հնարավորություն է տալու լիարժեք քայելրով հասնել նրան, որ Հայաստանը ֆիզիկապես և քաղաքականապես դուրս մղել իրականությունից»:

Աղբյուրը` Մհեր Աբրահամյան