«Հայաստանի արտադրողների և արտահանողների համար դժվար օրերն առջևում են»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Հայաստանի արտադրողների և արտահանողների համար դժվար օրերն առջևում են:
Հիմա անցել է եվրոպական ոգևորությունը, անգամ՝ իշխանությունների և նրանց պրոպագանդիստների ու ինֆլուենսերների մոտ:
Պուշկին են կարդում, Պուտինին զանգում, ավելի զուսպ են անգամ Մարիա Զախարովային քննադատելու հարցում:
Ռուսաստանը դեռ չի շնորհավորել ՀՀ վարչապետին, թեև ընտրություններն արդեն ամիսներ անցյալում են:
Մենք այլ Ռուսաստան չունենք: Լավն է, վատն է՝ դա է: Այլ Ռուսաստան չունենք:
Քաղաքական իմաստով՝ Պուտինը ստիպում է, որ Հայաստանը հանրաքվե անցկացնի՝ ԵՄ-ին միանալու կամ ԵԱՏՄ-ում մնալու վերաբերյալ:
Հանրաքվե պահանջում է նաև Ալիևը, բայց այլ հարցով:
Մի խոսքով, հեշտ ժամանակներ չեն, բայց ամենից ծանրը մեր արտադրողների ու արտահանողների վիճակն է, որոնք դարձել են ներքաղաքական և արտաքին քաղաքական բացթողումների զոհը:
Ռուսները ամեն օր հայկական ինչ-որ ապրանքատեսակ են արգելում, որի շուկան Ռուսաստանն է եղել և առաջիկայում էլ լինելու Ռուսաստանը, որովհետև կան բաներ, որ դու Եվրոպայում չես կարողանալու վաճառել:
Այսօր շատ կարևոր է նաև ներքին համերաշխությունը, որի ուղղությամբ իշխանությունները քայլ չեն անում և անում են հակառակ ուղղությամբ:
Մինչդեռ ներքին համերաշխությունը կարևոր է ոչ միայն Հայաստանի առողջացման, այլ նաև հայ-ռուսական հարաբերությունների կարգավորման համար»: