«Խնդիրը մնացել է նույն տեղում․ չի լուծվել»․ Վահագն Սարոյան

Ռազմական փորձագետ Վահագն Սարոյանի ֆեյսբուքյան գրառումը․ «Հայաստանի արտաքին քաղաքականությունը շարունակում է գրանցել հերթական տապալումները։ Մի կողմից՝ հնչում են հայտարարություններ եվրոպական ուղղության մասին, մյուս կողմից՝ երկրի տնտեսական կենսունակության համար ստիպված են օգնություն խնդրել Ռուսաստանից, որի հետ հարաբերություններն օրեցօր ավելի են բարդանում։
Պուտին-Փաշինյան հեռախոսազրույցի վերաբերյալ պաշտոնական հաղորդագրությունից երևում է, որ փորձ են անում տպավորություն ստեղծել, թե տեղի է ունեցել հերթական աշխատանքային հեռախոսազրույցը, սակայն տողատակերը բոլորովին այլ պատկեր են բացահայտում։
Եթե ամիսներ շարունակ հայտարարվում էր, որ հայ-ռուսական հարաբերությունները կառուցողական են, ապա այսօր արդեն հայկական կողմը ստիպված է անձամբ դիմել Վլադիմիր Պուտինին՝ խնդրելով վերացնել հայաստանյան ապրանքների արտահանման արգելքները։ Սա ինքնին խոստովանություն է, որ հարաբերություններում խնդիրները ոչ միայն պահպանվում են, այլև հասել են այն աստիճանի, որ չեն լուծվում նույնիսկ պետական կառավարման սովորական մեխանիզմներով։
Ավելի ուշագրավ է, որ հաղորդագրության մեջ չկա պայմանավորվածություն, չկա ժամկետ, չկա երաշխիք, որ սահմանափակումները կվերացվեն։ Դիվանագիտության լեզվում դա սովորաբար նշանակում է, որ խնդիրը մնացել է նույն տեղում, այսինքն՝ չի լուծվել:
Ինչ վերաբերում է ԵՄ անդամակցության թեմային, ապա պաշտոնական Երևանը շտապում է Մոսկվային հավաստիացնել, որ ԵՄ անդամակցությունը դեռ օրակարգային չէ, ինչը նշանակում է, որ ՀՀ-ն արդեն իսկ հայտնվել է քաղաքական արդարացումների դաշտում։
Փաստորեն իշխանությունը հերթով արձանագրում է նոր ճգնաժամեր, նոր տապալումներ և հասարակությանը նմանատիպ հաղորդագրություններով հասկացնում է, որ լուծումներ չկան»:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
24219.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
22819.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
145516.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
120415.11.2026, 19:19
Խաղողագործներին փող չեն տալիս․ «Հրապարակ»
72914.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
161113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
73712.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
195910.11.2026, 19:37