«Այս համաձայնագիրը կարևորագույն հանգրվան է Հարավային Կովկասում խաղաղության ապահովման ճանապարհին». Վրաստանի ԱԳՆ

Վրաստանի արտաքին գործերի նախարարությունը ողջունել է Ադրբեջանի և Հայաստանի միջև պատմական խաղաղության համաձայնագիրը, որը նախաստորագրվել է Վաշինգտոնում ԱՄՆ նախագահ Դոնալդ Թրամփի հովանու ներքո: Այս մասին նշված է Վրաստանի ԱԳՆ X հարթակում տարածած հայտարարության մեջ:
«Այս պատմական համաձայնագիրը կարևորագույն հանգրվան է Հարավային Կովկասում երկարատև խաղաղության ապահովման ճանապարհին և ամուր հիմք է ստեղծում տարածաշրջանում երկարաժամկետ կայունության և զարգացման նոր հնարավորությունների համար: Վրաստանը շարունակում է անսասան մնալ խաղաղության առաջխաղացման և տարածաշրջանային համագործակցության ամրապնդման իր հանձնառության մեջ»,- ասված է Վրաստանի ԱԳՆ հայտարարության մեջ: