Շաբաթ, 09 օգոստոսի, 2025 թ.
|
Ստեփանակերտում`   +24 °C

«Ստորագրված հռչակագիրը թուղթ է՝ Նիկոլի ապագա քարոզարշավի համար». Նաիրի Հոխիկյան

«Ստորագրված հռչակագիրը թուղթ է՝ Նիկոլի ապագա քարոզարշավի համար». Նաիրի Հոխիկյան
203
Այսօր, 18:24

Լրագրող Նաիրի Հոխիկյանի ֆեյսբուքյան գրառումը. «Խաղաղություն և անվտանգ զարգացում բերող յուրաքանչյուր պայմանավորվածություն ու փաստաթուղթ, իհարկե, լավ բան է և ցանկալի է յուրաքանչյուր ժողովրդի համար։ Ոչ ոք չի ուզում հավերժ կռվել ու զոհեր տալ, բայց պետք է հասկանալ, թե իրականում ինչ է օգոստոսի 8-ին ԱՄՆ-ում ստորագրված հռչակագիրը։
Այնտեղ կան բարի ցանկություններ ու գեղեցիկ խոսքեր, բայց չկան մի քանի կարևոր հարցերի պատասխաններ.
1. Ի՞նչ է լինելու Արցախից բռնի տեղահանված 150 հազար հայերի ճակատագիրը։ Վե՞րջ, գործարքը կայացա՞վ, նախապես պլանավորված ձևով հայկական պատմական հողը պատերազմով հանձնվեց Ադրբեջանի՞ն։
2. Ի՞նչ է լինելու Ադրբեջանի կողմից առևանգված հայ գերիների, Բաքվի բանտերում տառապող Արցախցի ռազմաքաղաքական ղեկավարության ճակատագիրը։
3. Արդյո՞ք Ադրբեջանը դադարեցնելու է Հայաստանի սահմանին մոտ զորքերի կուտակումները և հրաժարվելու է Հայաստանի տարածքի նկատմամբ նկրտումներից։
Սրանք այն երեք կարևոր հարցերն են, որոնց պատասխանները ոչ միայն չկան այդ հռչակագրում, այլև Ադրբեջանը շարունակում է վարել ակնհայտ հակահայկական ագրեսիվ քաղաքականություն։
Հետևաբար, դա փաստաթուղթ չի խաղաղության մասին, դա թուղթ է Նիկոլի ապագա քարոզարշավի համար։ Մյուս կողմից էլ՝ Ադրբեջանն ստացել է մի թուղթ, որը վաղը թափահարելու է, եթե մենք ազգային իշխանության պարագայում բարձրացնենք ազգային հարցեր։
Աշխարհում դեռևս ոչ մի թղթով իրական խաղաղություն չի եղել։ Խաղաղություն բերում են արծիվները, ոչ թե ծտերը կամ աղավնիները»:

Աղբյուրը`   Նաիրի Հոխիկյան