Չորեքշաբթի, 13 օգոստոսի, 2025 թ.
|
Ստեփանակերտում`   +19 °C

Պուտինի Վալդայի նստավայրի շուրջ ստեղծվել է 12 ՀՕՊ դիրք, իսկ Մոսկվայի մարզում՝ 60

Պուտինի Վալդայի նստավայրի շուրջ ստեղծվել է 12 ՀՕՊ դիրք, իսկ Մոսկվայի մարզում՝ 60
199
Այսօր, 21:02

Վլադիմիր Պուտինի՝ Վալդայում գտնվող նստավայրի շուրջը ստեղծվել է 12 ՀՕՊ դիրք, որոնց մեծ մասի աշտարակների վրա տեղադրված են Պանցիր-Ս1 ՀՕՊ համակարգեր։ Այս մասին հայտնել է «Ազատություն» ռադիոկայանի ռուսական ծառայությունը, որն ուսումնասիրել է Yandex-ի նոր արբանյակային պատկերները և Yandex.Mirrors ծառայության լուսանկարները։

Նշվում է, որ Պուտինի ենթադրյալ ընկերուհի Ալինա Կաբաևան և նրանց երեխաները հաճախ են լինում Վալդայում։

2023 թվականին «Պրոեկտ»-ը հայտնել էր, որ այնտեղ նրա և իր երեխաների համար նոր տուն է կառուցվել, իսկ նրա օգնականները բնակարաններ են ձեռք բերել նստավայրից ոչ հեռու։

Միևնույն ժամանակ, Մոսկվա քաղաքում և Մոսկվայի մարզում, որի բնակչությունը կազմում է ավելի քան 20 միլիոն մարդ, լրագրողները հայտնաբերել են ընդամենը 60 ՀՕՊ դիրք։ «Ազատություն» ռադիոկայանի ռուսական ծառայությունը նշում է, որ Մոսկվայի մարզում ռուսական ՀՕՊ նոր դիրքերը հաճախ տեղակայված են խորհրդային «փոքր ՀՕՊ օղակի» նախկին դիրքերի մոտ, որը նախատեսված էր քաղաքը ՆԱՏՕ-ի օդային հարձակումներից պաշտպանելու համար՝ օգտագործելով S-25 Բերկուտ հրթիռային համակարգերը։

Կարդացե՛ք նաև